واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد
وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات
..................................................
هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.
ناض السيد كيضحك. سولو القاضي: مالك؟
قال ليه: كانت كتديها كاملة
....................................................
قالك هدا واحد السبيطار ديال الحماق فرقوا عليهم باط مطيشة ديال عائشة
كل واحد او شنو تيدير واحد خشى صبعوا فالباط او بقى تيدور فيه
جا عندوا واحد الطبيب هو يقول ليه اش كدير قال ليه كنقلب على عائشة
......................................................
واحد شرا صباط كبير عليه.. هوا يحتارموا.
...........
واحد مبوق داز حدا باه ف الزنقة وميك عليه.
مشى عندو باه قال ليه: مالك ما شفتينيش؟
قال ليه المبوق: لا شفتك، غير ما عرفتش فين
...................
واحد الكليان قال للسرباي: سمح ليا، ولكن راه صبعك كان مخشي ف هاد الزلافة ديال الحريرة اللي جبتي ليا.
قال ليه السرباي: الدنيا هانية، ولا عليك، ما كانتش سخون.
.....................
واحد السبيطار ديال الحماق خرجوهم للشانطي باش يشوفوا شكون اللي دار عقلو.
قالوا ليهوم: اللي تلقى لشي طوموبيل نعطيوه طريف ديال ماروخا.
.
كلشي كيتلقى للطوموبيلات وكيتشتت، إلا واحد بقى كيرواغ على الطوموبيلات، وهوما يقولوا هادا مول العقل.
سولوه: علاش كتراوغ؟
قال ليهوم: كنتسنى شي رموك باش ندي باكيا كاملة ديال ماروخا
...........
هادا واحد المبوق تلاقى بواحد مبوق كتر منو.
الأول سول التاني: فين غادي؟
جابو التاني: ما عرفتش. ونتا؟
قال ليه الأول: حتى أنا ما عرفتش.
قال ليه لاخور: إيوا يالاه دغية باش ما نتعطلوش
مواضيع لم
تغذية rss
أفضل 20عضو
أفضل اعضاء اليوم
جديد المواضيع
مشـــــاركاتي
قوانين المنتدى
التسجيل
من طرف 
موضوع: نكت مغربية 
