شعر شعبي عراقي 2013 - لتحاول بعد

صبح ليل دمعك والعشكَ سكران
شجاك انتة وتعمم عالضلم جورة
فر بية الزمن والدنية رادت هيج
حر جمرك وصلني وما وصل نورة
بديت الدورة مني وما حسبت حساب
ترجع للاصل من تنتهي الدورة
وترد بيا وجه وتباوع بيا عين
تمساح الدمع والضحكة من صورة
لتحاول بعد معرف طبع الريح
لازم تهدة حتة تكَوم منثورة





ولا تغلط بعد وتكَلب الالوان
يون الناي روحة وما كَلب طورة
شحجيلك بعد وعتابي ضل وياك
فنجان الكرم بس .. مات ناعورة
خلصت العمر اعصر دموع العين
ومن ميت لكَوني الجثة معصورة
جنت حدك تعرفة ومحد يحاجيك
بس ماضي جنت معروفة هالسورة
ومن كَد ما تهد ابحدك اتحداك
اذا بابك تعرفة وتعرفة لسورة
كافي احلامي كلهه تنحسب كابوس
وكافي اتضل سنيني بصحرة منثورة
وكافي يبقة عمري فدوة لليحجون
وكافي اتضل حياتي لالله منذورة