بسمتك تفرح خاطري

يا عمري الدنيا ما تسوى تنام وخاطرك زعلان
ولابــــــه شي يستاهـــــل يخلـــي قلبك يعانـــــي
طلبتـــــك كان لي خاطر تبعد عنــك الأحــــــزان
فديـــــــت أعيونك الحلوه تبسم لو على شانــــي
حبيبـــــي صار لي مدة أشوفك تايه وحيــــــران
وانـــا والله لا شفتك حزيــــن تزود أحزانــــــــي
أنا احبــــك ولا ودي تعيش بدنيتــــك ندمـــــــان
تـــــرى الأيام محسوبة وتالي ها لعمر فانــــــي
تصدق بسمتك والله تفرح خاطري الولهــــــــان
يطيـــر من الفرح قلبي واصير بعالم ثانــــــــــي
والى من شفتك بضيقة أحس اني انا الغلطـــــان
أعاتب نفسي بنفسي ولو ما كنت أنا الجانـــــــي
غلاك بداخل أعروقي ولا يوصل غلاك انســـــان
يمر الوقت ويثبت لك غلاك ان الله أحيانـــــــــي
أضحي بعمري لعيونك تنام انته وانا سهـــــران
ونادي جروحك لقلبي تجي واحد ورى الثانــــي

شكرا لك منور المنتدى