-قالك هاذي ناموسة دور على واحد في الصيف تقلق فيه ايا ضربها طاحت داخت هزوها صحاباتها دخلوها للعناية المركزة جابت 3 ايام و هي في غيبوبة كي فاقت لقات قرلو(حشرة) بالقرب منها شاف فيها القرلو و قالها : واش فليت? (مبيد) قاللتلوا:لا لا . بشماق (حذاء)
======================
قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا "
==============
قالك جماعة معسكرية لعبوا لعبة الاختفاء من 1962مازادوش ظهروا
=============
قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك
=====================
قالك مرة سائق الحافلة دار اغنية التيتانيك
ايا بداو الركاب يطيشوا رواحهم بانتلهم راح يغرق الbus
====================
قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت
======================
قالكم كاين واحد عندو الغنم بزاف بزاف بصح ما يصليش واحد المره جاه الامام
تاع المنطقة نتاعو وقالوا انت لوكان تزيد تصلي الغنم نتاعك يوليو الضعف
مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا
4ولا5والسيد صابر يقول ضرك يزيدو ضرك يزيدو حتى بقى ليه كبش واحد
فات عليه والكبش يقول بع بع بع بع بع بع بع ما حبش يسكت
دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت
=======================
قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟
1*في يوم من الايام جماعة من الناس سالوا رجل .قالوا له من المفيد الشمس و لا القمر .قال لهم القمر اكيد .قالوا له لماذا .قال لهم لان القمر يجي باليل يضوي اليل و الشمش تجي بالنهار و الدنيا ضوء اصلا
2* واحد جزايري يصلي في الحج و يحرك صبعو بزاف كي يشهد، سقساه 1 سعودي علاه، جاوبو:انتوما عندكم الريزو قاوي و احنا ماعندناش فلبلاد لازم نحوسو عليه !!!!
3* قالك 2 مهابل حبو يهربوا من السبيطار، واحد قال لصاحبو: واش نديرو لوكان نلقاو الحيط عالي؟ رد عليه: نطلعك على ظهري، قالو و لوكان نلقاوه قصير؟ رد عليه: نسوطيو عليه يا غبي، كي جاو يهربو مالقاوش الحيط، رجعو !!!!!!!!!
4* بوليسي للمحبوس : نتا ماديرش خلاص الخير في حياتك؟ رد عليه: لاه ندير، أني هنا باش تسلك انت.
5* قال الإمام في الدرس: " مالازمش الواحد يعادي خوه أكثر من 3 أيام" رد عليه 1: و نسيبتي داخلة في الحساب؟
6* واحد جا يخطب وحدة، سقسا صاحبو : واش رايك فيها؟ رد عليه : شفت 1 يبوس فيها، بطلها، و بعد ايامات لقا صاحبو تزوج بيها، قالو ياخي قالتلي بلي شفت 1 يبوس فيها !!! رد عليه: هيه باباها ليباسها.
7* هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خويا
8* كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......le pere vendredi (اسمه بو جمعة)
9* قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا
اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي
10* قالك واحد جزائري راح للبحر لقي ليوناردو ديكابريو قالو واش يا جاك مازلت ماشهمتش